Cofnodion cryno - Y Pwyllgor Deisebau

Lleoliad:

Ystafell Bwyllgora 1 - Y Senedd

Dyddiad: Dydd Mawrth, 17 Hydref 2017

Amser: Times Not Specified
Gellir gwylio’r cyfarfod ar Senedd TV yn:
http://senedd.tv/cy/4366

------

Yn bresennol

Categori	Enwau
Aelodau’r Cynulliad:	David J Rowlands AC (Cadeirydd) Janet Finch-Saunders AC Mike Hedges AC
Tystion:
Staff y Pwyllgor:	Graeme Francis (Clerc) Kayleigh Imperato (Dirprwy Glerc) Kath Thomas (Dirprwy Glerc) Jonathan Baxter (Ymchwilydd) Lisa Salkeld (Cynghorydd Cyfreithiol)

<AI1>

Trawsgrifiad

Gweld trawsgrifiad o’r cyfarfod (PDF 287KB) Gweld fel HTML (98KB)

</AI1>

<AI2>

1 Cyflwyniad, ymddiheuriadau, dirprwyon a datganiadau o fuddiant

Croesawodd y Cadeirydd bawb i’r cyfarfod. Ni chafwyd unrhyw ymddiheuriadau.

</AI2>

<AI3>

2 Deisebau newydd

</AI3>

<AI4>

2.1 P-05-775 Cau'r bwlch gweithredu tacsis yn drawsffiniol ac is-gontractio

Trafododd y Pwyllgor y ddeiseb am y tro cyntaf a chytunodd i ysgrifennu at Ysgrifennydd y Cabinet dros yr Economi a'r Seilwaith i rannu barn y deisebwyr, gan gynnwys yr awgrym y dylai fod yn ofynnol i deithiau ddechrau neu ddod i ben yn yr ardal y mae'r cerbyd a'r gyrrwr wedi'u trwyddedu ynddi, a gofyn am y diweddaraf am y farn mewn perthynas â thrwyddedu trawsffiniol ac isgontractio a ddaeth i law drwy'r ymgynghoriad diweddar.

</AI4>

<AI5>

2.2 P-05-777 Cymhwyso’r ddeddfwriaeth systemau llethu tân awtomatig o fewn y rheoliadau adeiladu cyfredol ar gyfer Cymru.

Trafododd y Pwyllgor y ddeiseb am y tro cyntaf a chytunodd i ysgrifennu at Ysgrifennydd y Cabinet dros yr Amgylchedd a Materion Gwledig i ofyn a yw Llywodraeth Cymru yn bwriadu adolygu effaith deddfwriaeth 2013 a'i pherthnasedd i brosiectau o'r math a ddisgrifir gan y deisebydd, a phryd y bydd yn gwneud hynny.

</AI5>

<AI6>

2.3 P-05-779 Sganio gorfodol gan gynghorau am ficrosglodion mewn anifeiliaid anwes

Trafododd y Pwyllgor y ddeiseb am y tro cyntaf a chytunodd i ysgrifennu at Ysgrifennydd y Cabinet dros yr Amgylchedd a Materion Gwledig i ofyn a fydd yn ystyried cynnig y deisebydd i Lywodraeth Cymru gyflwyno gofyniad i sganio carcasau anifeiliaid anwes sy'n cael eu canfod a hysbysu perchnogion mewn contractau newydd ar gyfer gwasanaethau gwastraff, neu roi canllawiau pellach i awdurdodau lleol ar y mater hwn.

</AI6>

<AI7>

2.4 P-05-780 Ailagor gorsaf Carno

Trafododd y Pwyllgor y ddeiseb am y tro cyntaf a chytunodd i ysgrifennu at Ysgrifennydd y Cabinet dros yr Economi a'r Seilwaith i dynnu sylw at bryderon y deisebwyr a gofyn am ymateb i'w galwad i Lywodraeth Cymru ddychwelyd i'r polisi blaenorol o ddyrannu ei chyllideb ei hun i ddatblygu gorsafoedd newydd yng Nghymru.

</AI7>

<AI8>

3 Y wybodaeth ddiweddaraf am ddeisebau blaenorol

</AI8>

<AI9>

3.1 P-05-762 Symud Cynulliad Cymru o Gaerdydd

Cytunodd y Pwyllgor i gau'r ddeiseb, gan ei bod yn anodd gweld sut y gallai'r Pwyllgor fynd â'r ddeiseb yn ei blaen yn sgil diffyg cyswllt gan y deisebydd.

</AI9>

<AI10>

3.2 P-04-522 Asbestos mewn ysgolion

Trafododd y Pwyllgor ohebiaeth gan y deisebydd a chytunodd i ysgrifennu at Ysgrifennydd y Cabinet dros yr Economi a'r Seilwaith i ofyn:

· a yw Llywodraeth Cymru yn bwriadu rhannu'r data y mae wedi'u casglu ynghylch ysgolion â chynlluniau asbestos, a sut y bydd yn gwneud hynny; ac

· am ddiweddariad ynghylch pryd y bydd y Gweithgor Rheoli Asbestos mewn Ysgolion yn cynnal trafodaethau i drafod datblygiadau diweddar yn Lloegr a'u perthnasedd i ysgolion yng Nghymru.

</AI10>

<AI11>

3.3 P-05-707 Rhaid i hyfforddiant athrawon gynnwys hyfforddiant statudol ar awtistiaeth

Cytunodd y Pwyllgor i gau'r ddeiseb, o ystyried bod y deisebydd wedi mynegi boddhad eisoes a'r ffaith na chafwyd unrhyw ymatebion pellach yn ddiweddar.

</AI11>

<AI12>

3.4 P-05-735 Gwneud y cyfnod sylfaen yn fwy effeithiol ar gyfer ein plant, darparu mwy o athrawon a dileu y TASau blwyddyn 2.

Cytunodd y Pwyllgor i gau'r ddeiseb, gan ei bod yn anodd gweld sut y gallai'r Pwyllgor fynd â'r ddeiseb yn ei blaen yn sgil diffyg cyswllt gan y deisebydd.

</AI12>

<AI13>

3.5 P-05-752 Meithrin gallu plant i wrthsefyll seiberfwlio

Cytunodd y Pwyllgor i gau'r ddeiseb, gan ei bod yn anodd gweld sut y gallai'r Pwyllgor fynd â'r ddeiseb yn ei blaen yn sgil diffyg cyswllt gan y deisebydd, a'r ymateb cynhwysfawr a roddwyd gan Ysgrifennydd y Cabinet dros Addysg.

</AI13>

<AI14>

3.6 P-04-663 Bwyd yn ysbytai Cymru

Cytunodd y Pwyllgor i gau'r ddeiseb yn dilyn yr ystyriaeth fanwl o arlwyo mewn ysbytai a maeth cleifion gan y Pwyllgor Cyfrifon Cyhoeddus, ac o ystyried y boddhad a fynegwyd gan y deisebydd.

</AI14>

<AI15>

3.7 P-05-693 Rhowch y brechlyn llid yr ymennydd B i bob plentyn yng Nghymru

Cytunodd y Pwyllgor i gau'r ddeiseb, gan ei bod yn anodd gweld sut y gallai'r Pwyllgor fynd â'r ddeiseb yn ei blaen yn sgil diffyg cyswllt gan y deisebydd.

</AI15>

<AI16>

3.8 P-05-768 Galwad i ddychwelyd darpariaeth pediatreg, obstetreg dan arweiniad ymgynghorydd ac uned gofal arbennig babanod 24 awr i Ysbyty Cyffredinol Dosbarth Llwynhelyg

Trafododd y Pwyllgor ohebiaeth gan Fwrdd Iechyd Hywel Dda, ynghyd â sylwadau pellach gan y deisebydd, a chytunodd i ysgrifennu at y Bwrdd Iechyd i ofyn am ei ymateb i'r pryderon diweddaraf a fynegwyd gan y deisebydd, a gofyn am fanylion ynghylch pa mor aml y defnyddiwyd y cerbyd ambiwlans dynodedig i drosglwyddo menywod a phlant ar frys o Ysbyty Llwynhelyg i Ysbyty Glangwili.

</AI16>

<AI17>

3.10P-05-772 Na i Gylch Haearn arfaethedig Castell y Fflint

Trafododd y Pwyllgor ohebiaeth gan y deisebydd a chytunodd i ysgrifennu at Ysgrifennydd y Cabinet dros yr Economi a'r Seilwaith i ofyn am gadarnhad na fydd cerflun arfaethedig y Cylch Haearn bellach yn cael ei gynnwys fel rhan o'r buddsoddiad arfaethedig yng Nghastell y Fflint, a holi am yr anghysondeb rhwng cynnwys ei lythyr at y Pwyllgor ar 20 Medi a'r datganiad i'r wasg a gyhoeddwyd ar 7 Medi. 

</AI17>

<AI18>

3.9 P-05-721 Deiseb terfyn cyflymder Penegoes

Trafododd y Pwyllgor y ddeiseb yng ngoleuni cais y deisebwyr am ddiweddariad, a chytunodd i ysgrifennu at Ysgrifennydd y Cabinet dros yr Economi a'r Seilwaith i ofyn am ragor o fanylion am yr amserlenni ar gyfer yr adolygiad terfyn cyflymder.

</AI18>

<AI19>

3.11P-05-746 Cludiant ysgol am ddim i bob plentyn yng Nghymru

Cytunodd y Pwyllgor i gau'r ddeiseb, gan ei bod yn anodd gweld sut y gallai'r Pwyllgor fynd â'r ddeiseb yn ei blaen yn sgil diffyg cyswllt gan y deisebydd.

</AI19>

<AI20>

3.12P-05-745 Mwy o ddarpariaeth ar gyfer chwaraeon moduro oddi ar y ffordd

Cytunodd y Pwyllgor i gau'r ddeiseb, gan ei bod yn anodd gweld sut y gallai'r Pwyllgor fynd â'r ddeiseb yn ei blaen yn sgil diffyg cyswllt gan y deisebydd.

</AI20>

<AI21>

4 Papur i’w nodi

Nodwyd y papur.

</AI21>

<AI22>

5 Cynnig o dan Reol Sefydlog 17.42 i benderfynu gwahardd y cyhoedd o weddill y cyfarfod ac o ddechrau'r cyfarfod ar 7 Tachwedd 2017

Derbyniwyd y cynnig.

</AI22>

<AI23>

6 Trafod crynodeb - P-04-564 Adfer gwlâu i gleifion, gwasanaeth mân anafiadau ac uned pelydr-X i Ysbyty Coffa Ffestiniog

Trafododd y Pwyllgor grynodeb o’i ystyriaeth o'r ddeiseb yn y gorffennol a chytunodd i ystyried fersiwn ddiwygiedig mewn cyfarfod yn y dyfodol.

</AI23>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>